"ევექსის კლინიკებმა' საახალწლო საქველმოქმედო ღონისძიება ბავშვებს მიუძღვნეს, საიდანაც გარკვეული თანხა ბავშვთა ჰოსპისმა "ციცინათელების ქვეყანამაც" მიიღო. მთელი წლის განმავლობაში, საქართველოს მასშტაბით ევექსის კლინიკების თანამშრომლები საჩუქრებს აგროვებდნენ, რომლებიც შშმ და მზრუნველობა მოკლებულ ბავშვებს დაურიგდათ. ღონისძიების ფარგლებში აუქციონიც გაიმართა, სადაც შემოსული თანხა ასევე სხვადასხვა საჭიროების მქონე ბავშვებს გაუნაწილდათ. 

მოვემსახურეთ73 პაციენტს;

განვახორციელეთ307 შინ ზრუნვის ვიზიტი;

დღეს ხანუქას ბოლო, მერვე სანთელი, ისრაელის ელჩთან - რან გიდორთან ერთად, ბავშვთა ჰოსპისი „ციცინათელების ქვეყანაში" ავანთეთ.

საელჩომ „ციცინათელების ქვეყანას" საჩუქრად გარკვეული აღჭურვილობა გადასცა და ფულადი თანხით გაუწია დახმარება.

„ვიმედოვნებთ, რომ ხანუქას სინათლე სიხარულის მომტანი იქნება ბავშვებისთვის და მათი ოჯახებისთვის. განსაკუთრებული მადლობა ჰოსპისის დირექტორს, ბ-ნ მამუკა მახათაძეს და მის გუნდს ასეთი საპატიო პარტნიორობისთვის" - აღნიშნა ისრაელის ელჩმა რან გიდორმა.

დღეს ისრაელის ელჩი რან გიდორი ბავშვთა ჰოსპისს "ციცინათელების ქვეყანა"- ს ეწვია. დირექტორმა, მამუკა მახათაძემ და გამგეობის წევრმა ნინო კიკნაძემ ელჩს ჰოსპისის მისია და ფუნქციები გააცნეს. ისრაელის საელჩო და მაშავი (MASHAV - Israel's Internationale Development Agency) აქტიურად თანამშრომლობენ ქართველ პარტნიორებთან განსაკუთრებული საჭიროების მქონე ბავშვების მკურნალობის მიმართულებით და მომავალშიც გააგრძელებენ ასეთი მნიშვნელოვანი აქტივობებისა და პროექტების მხარდაჭერას.

16 ივნისიდან 20 ივნისის ჩათვლით, ფონდი "საქართველოს ღია საზოგადოების ფონდის" მხარდაჭერით ნიდერლანდებში სამუშაო ვიზიტით იმყოფებიან ჯანმრთელობის დაცვისა და სოციალური საკითხთა კომიტეტის თავმჯდომარე აკაკი ზოიძე, ამავე სამინისტროს თანამშრომლები მარინა დარახველიძე, ელენე ჟორჟოლაძე, ფონდი "საქართველოს ღია საზოგადოების" წარმომადგენელი და ჰოსპისის დამფუძნებელი ნინო კიკნაძე, ბავშვთა ჰოსპისის დირექტორი მამუკა მახათაძე და ტკივილის მართის პოლიტიკის ექსპერტი ფატი ძოწენიძე. სამუშაო ვიზიტის ფარგლებში პალიატიური მზრუნველობისა და მედიკამენტების ხელმისაწვდომობის თაობაზე გაიმართა შეხვედრები ჰოლანდიის ჯანდაცვის სამინისტროს წარმომადგენლებთან.დელეგაციამ მოინახულა ნიდარლანდების რამდენიმე ჰოსპისი და გაეცნო ტკივილის მართვის იქაურ გამოცდილებას.

23 აპრილს, წიგნის ჩუქების დღეს, ბავშვთა ჰოსპისს საქართველოს განათლების, მეცნიერების, კულტურისა და სპორტის მინისტრი მიხეილ ბატიაშვილი და ეროვნული ბიბლიოთეკის დირექტორი გიორგი კეკელიძე ესტუმრნენ. მათ "ციცინათელების ქვეყნის" ბავშვები მოინახულეს და თითოეული ბენეფიციარი წიგნებით დაასაჩუქრეს.

12 აპრილს, ბავშვთა ჰოსპისს, სასწავლო ვიზიტით ყირგიზი კოლეგები ესტუმრნენ.  ვიზიტის  მიზანს წარმოადგენდა ბავშვთა ჰოსპისის მუშაობის და სპეციფიკის გაცნობა და ზოგადად საქართველოს მიღწევები ბავშვთა პალიატიურ მზრუნველობაში. საქართველოში ვიზიტის ფარგლებში, ყირგიზი კოლეგები ეწვივნენ ფერისცვალების ჰოსპისს,ონკოლოგიის ნაციონალურ ცენტრს, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინიტროს და საქართველოს ჯანდაცვის კომიტეტს.

ჩეხეთის რესპუბლიკის კარიტასის მხარდაჭერით, ბავშვთა ჰოსპისის "ციცინათელების ქვეყანა" თანამშრომლები სასწავლო ვიზიტით იმყოფებოდნენ ჩეხეთის რესპუბლიკის ქალაქ პრაღასა და ოსტრავაში (24-29 სექტემბერი, 2018)

ვიზიტის მიზანი იყო ჰოსპისის თანამშრომლებისთვის მულტისენსორულ თერაპიებში პრაქტიული უნარ-ჩვევების გაღრმავება, რათა ჰოსპისის ბენეფიციარებმა მიიღონ უფრო კვალიფიციური და ხარისხიანი სერვისები.

სასწავლო ვიზიტს მასპინძლობდა ჩეხი ტრენერი რენატა ფილატოვა, რომელმაც ამა წლის აპრილში, თბილისში ასევე ჩაატარა სპეციალური "მულტისენსორული გარემოს პრაქტიკული და თეორიული კურსი" ჰოსპისის პერსონალისთვის.

ბავშვთა ჰოსპისში მულტისენსორული ოთახი მოეწყო და აღიჭურვა ჩეხეთის რესპუბლიკის კარიტასის მიერ პროექტის "ბავშვთა ხანგრძლივი მოვლისა და პალიატიური მზრუნველობის სერვისების განვითარება საქართველოში" ფარგლებში, რომელიც ხორციელდება ჩეხეთის განვითარების სააგენტოს ფინანსური მხარდაჭერით.

საქართველოს პირველმა ლედიმ მაკა ჩიჩუამ დღეს საქართველოში ვიზიტით მყოფი იტალიის პრეზიდენტის ქალიშვილს კლაუდია მატარელას, ბავშვთა ჰოსპისს „ციცინათელების ქვეყანაში" უმასპინძლა.
მაკა ჩიჩუასა და კლაუდია მატარელას ჰოსპისის დირექტორმა მამუკა მახათაძემ ბიბლიოთეკა, სარეაბილიტაციო, მულტისენსორული კაბინეტი და სხვა სივრცეები დაათვალიერებინა და ცენტრის სერვისების შესახებ მიაწოდა ინფორმაცია. ჰოსპისის დათვალიერების შემდეგ იტალიის პრეზიდენტის ქალიშვილი (პირველი ლედი)  პაციენტის  მშობლებს და პერსონალს გაესაუბრა. .
„აქ ძალიან ლამაზი გარემოა, უმნიშვნელოვანესია ის საქმე, რასაც თქვენ აკეთებთ, თქვენ მხნეობას აძლევთ ბავშვებსა და მათ მშობლებს. ასევე ძალიან მნიშვნელოვანია, რომ საზოგადოების ნებისმიერ წევრს აძლევთ საშუალებას საკუთარი წვლილი შეიტანოს და გახდეს მონაწილე ამ კეთილი საქმისა",- აღნიშნა კლაუდია მატარელამ. 

ჰოსპისს "საქართველოს რკინიგზის" სახით ახალი და ძლიერი მეგობარი შეემატა. მნიშვნელოვნად გააუმჯობესებს პაციენტების მოვლას ჟანგბადის კონცენტრატორი, სისტემური ინფუზომატი და კარდიომონიტორი, რომელიც "საქართველოს რკინიგზისგან" მივიღეთ საჩუქრად. 

"ციცინათელების ქვეყნის" თითოეული ბავშვის დაბადების დღე ნამდვილ დღესასწაულად აქცია კომპანია "მაიდეიმ". დღეიდან ყველა ჩვენი პაციენტი ფერადად შეხვდება დაბადების დღეს, რომელსაც კომპანია "მაიდეი” გააფორმებს მრავალგავრი სადღესასწაულო აქსესუარებით.

9 იანვარს, საქართველოს ადვოკატთა ასოციაციის თავმჯდომარე დავით ასათიანის და სოციალური კომიტეტის ინიციატივით, აღმასრულებელი საბჭოს სახელით ბავშვთა ჰოსპისს საშობაო საჩუქარი - ბატუტი გადაეცა.  საქართველოს ადვოკატთა ასოციაცია, მოწოდებულია აქტიურად ჩაერთოს სოციალურ პროექტებში.  აღმასრულებელი საბჭოს წევრები გაეცნენ ჰოსპისის შენობას, მოინახულეს პაციენტები და სამომავლოდ, ერთობლივი საქველმოქმედო ღონისძიებაც დაიგეგმა. 

დღეს ბავშვთა ჰოსპისს ცნობილი გადაცემა „ექიმების" წამყვანები; კოტე მათითაშვილი და ლევან ხარაშვილი ესტუმრნენ. მასპინძლობა სტუმრებს ჰოსპისის დირექტორმა, მამუკა მახათაძემ გაუწია. ექიმებმა „ციცინათელების ქვეყანა" მედიკამენტებითა და ტკბილეულით დაასაჩუქრა. ჰოსპისის დათვალიერებისა და სამუშაო პროცესის გაცნობის შემდეგ, მოხდა საახალწლო გადაცემისთვის სიუჟეტის მომზადება ჰოსპისზე, რომელიც 31 დეკემბერს გავა ეთერში.

2017 წლის 27 დეკემბერს, 20:00 საათზე, ოპერისა და ბალეტის თეატრში, ევგენი მიქელაძის სახელობის საქართველოს ეროვნულმა მუსიკალური ცენტრმა, ნიკოლოზ რაჭველმა და ანიტა რაჭველიშვილმა წარმოადგინეს საქართველოს ეროვნული სიმფონიური ორკესტრის კონცერტი კახი სოლომნიშვილის დირიჟორობით.

პროგრამაში იყო ჯოვანი ბატისტა პერგოლეზის STABAT MATER, გორის სულხან ცინცაძის სახელობის სამუსიკო კოლეჯის ბავშვთა გუნდის მონაწილეობით, ქორმაისტერი - ნინო წიკლაური;

პირველად საქართელოში შესრულდაა ნიკოლოზ რაჭველის THE REST IS SILENCE, რომელიც სპეციალურად ანიტა რაჭველიშვილისთვის შეიქმნა.

კონცერტი მიეძღვნა ბავშვთა ჰოსპისს „ციცინათელების ქვეყანას" . სპონსორების დახმარებით ჰოსპისს 22 000 ლარი ჩაერიცხა.

სპონსორები: საქართველოს ბანკი, ალტაოქეი, საერთაშორისო კორპორაცია „აი სი არ",კომპანია „დიო”, საქართველოს ინდისტრიული ჯგუფი და ზურაბ საბახტარაშვილის რეპროდუქციული კლინიკა.

პროექტის გენერალური პარტნიორი: ხელოვანთა კავშირი "კონცეპტარტი”

საინფორმაციო მხარდამჭერები იყვნენ: ტელეკომპანია იმედი, რადიო ჰოლდინგი ფორტუნა, EVENTS ამბები.ge, საინფორმაციო პორტალი 118 08

28-29 ნოემბერს, საქართველოს სასწავლო ვიზიტით ტაჯიკი და უკრაინელი კოლეგები ესტურნენ. ვიზიტის მიზანს წარმოადგენდა კვალიფიკაციის ამაღლება პალიატიური მზრუნველობის სფეროში, არსებული სერვისების შესწავლა და ბავშვთა ჰოსპისის მუშაობის გაცნობა. ორი დღეს განმავლობაში სტუმრებს ჩაუტარდათ, როგორც თეორიული სემინარი, ასევე საშვალება მიეცათ ჩართულიყვნენ ჰოსპისის საწმიანობაში.

სავაჭრო ცენტრმა „ისთ ფოინთმა" ბავშვთა ჰოსპისს ბიბლიოთეკა შეუქმნა და მოუწყო. ბიბლიოთეკის შექმნა თითოეული იმ ადამიანის დახმარებით მოხდა, ვინც ფოკუს მოკუსში, „Back to school" პაკეტი შეიძინა.

„ისთ ფონთმა" 1 წლის დაბადების დღე ჩვენს ჰოსპისს „ციცინათელების ქვეყანას" მოუძღვნა და მშენებლობისთვის სოლიდური თანხა გაიღო.

პალიატიური მზრუნველობა მრავალპროფილური მზრუნველობაა, რომლის უპირველესი ამოცანაა განუკურნებელი სენით დაავადებული პირებისთვის ტკივილის მოხსნა, მათი სოციალური და ფსიქოლოგიური დახმარება და სულიერი თანადგომის გაწევა. ჰოსპისები კი ის დაწესებულებებია, სადაც ამ ადამიანებს ცხოვრების უკანასკნელ დღეებში, როგორც ფიზიკურ, ასევე სულიერ თანადგომას უწევენ. საქართველოში ჰოსპისის მომსახურეობა ათასობით ადამიანს ესაჭიროება, მაგრამ დღესდღეობით, ჰოსპისებში არსებული საწოლების მწირი რაოდენობა და საკადრო რესურსი დაავადებულთა მზარდ მოთხოვნას ვერ აკმაყოფილებს. შედეგად, წლის მაძილზე ათასობით დაავადებული ადამიანი მძიმე ფიზიკურ და სულერ მდგომარეობას განიცდის, რაც მათ სრულფასოვან და ღირსეული ცხოვრების გაგრძელების საშვალებას არ აძლევს.

ოქტომბრის  თვის ყოველ მეორე შაბათს, პალიატიური მზრუნველობისა და ჰოსპისების დღე მთელ მსოფლიოში აღინიშნება.   ამ დღესთან დაკავშირბული სლოგანია Universal health Coverage and Palliative Care - Don't leave those suffering behind ( ჯანდაცვის საყოველთაო მოცვა და პალიატიური მზრუნველობა- არ დატოვოთ ტანჯვა არაფრის მიღმა). წელს სხვა ქვეყნებთან ერთად,  ბავშვთა ჰოსპისი "ციცინათელების ქვეყანა" პირველად ერთვება ამ  საერთაშორისო ინიციატივაში, რათა ჩვენი მზრუნველობა და პატივისცემა გამოვხატოთ უკურნებელი სენით დაავადებული ადამიანებისა და მათი ოჯახების მიმართ. ამ დღის აღნიშვნას საქართველოში, 2010 წელიდან , ფონდმა "ღია საზოგადოება-საქართველომ" ჩაუყარა საფუძველი.

14 ოქტომბერს, ეს დღე "ციცინათელების ქვეყანაში" ყველამ ერთად, სტაციონარის, დღის ცენტრის და შინ ზრუნვის ბავშვებმა და მათმა მშობლებმა ერთად აღნიშნეს.

20 სექტემბერს, ფონდი „ღია საზოგადოება-საქართველოს" ორგანიზებით, სასტუმრო „რუმსის" ეზოში ბავშვთა ჰოსპისის მხარდასაჭერი საქველმოქმედო აუქციონი ჩატარდა. აუქციონის შედეგად 30 950$ და 13 000 ლარი (500 ლარი თითოეულ ლოტზე საქართველოს პრეზიდენტის სარეზერვო ფონდიდან დაემატა) შეგროვდა. აუქციონს ესწრებოდნენ ჰოსპისის მეგობრები, ბიზნესისა და დიპლომატიური კორპუსუს წარმომადგენლები.

ჰოსპისის პროექტის შესახებ თანამშრომლობის მემორანდუმი 2015 ჭლის ივნისში გაფორმდა. მშენებლობა 2016 წლის თებერვალში დაიწყო. ფონდი „ღია საზოგადოება-საართველოსთან" ერთად პროექტის პირველი მხარდამჭერები იყვნენ სამდეიცინო კორპორაცია „ევექსი", რომელმაც ჰოსპისს მიწის ნაკვეთი გადასცა სოფელ დიღომში და საქართველოს პრეზიდენტი, რომელმაც მშენებლობის დასაწყებად 100 000 ლარი გამოყო.

21 ივლისს, პლასტიკურმა  ქირურგებმა კოტე მათითაშვილმა და საშა კალანტაროვმა SOLO-ს მომხმარებლებისთვის ლექცია ჩაატარეს. ექიმებმა პლასტიკური ქირურგიისა და ესთეტიკური მედიცინის შესახებ ისაუბრეს და ქალბატონების კითხვებს ამომწურავად უპასუხეს.შემოსული თანხა  500 ლარის ოდენობით,  ჩვენს ჰოსპისს "ციცინათელების ქვყანას" ჩაერიცხა.

დღეს ბავშვთა ჰოსპისს "ციცინათელების ქვეყანას" საქართველოში ოფიციალური ვიზიტით მყოფი, უკრაინის პრეზიდენტის მეუღლე, მარინა პოროშენკო ესტუმრა. უკრაინის პირველ ლედის ჰოსპისის მეგობარმა, საქართველოს პირველმა ლედიმ მაკა ჩიჩუამ უმასპინძლა.

სტუმრებს „ციცინათელების ქვეყანა" ჰოსპისის დირექტორმა მამუკა მახათაძემ და ფონდი „ღია საზოგადოება - საქართველოს" წარმომადგენელმა ნინო კიკნაძემ დაათვალიერებინეს და მისი შექმნის ისტორია მოუყვნენ.

მარინა პოროშენკომ სურვილი გამოთქვა, ბავშვთა ჰოსპისის შესახებ საქართველოს გამოცდილება უკრაინამ გაიზიაროს და ქართველი სპეციალისტები მსგავსი ტიპის ჰოსპისის შექმნაში უკრაინელებს დაეხმარონ.

10-15 ივლისს, ფონდ „ღია საზოგადოება - საქართველოს" მხარდაჭერით, საქართველოში ჩამოვიდა ჯოან მარტსონი - ბავშვთა პალიატიური მზრუნველობის საპატიო ელჩი. 5 დღის განმავლობაში ჯოან მარტსონი გაუძღვა ჰოსპისის სამუშაო პროცესს და ჩაატარა პრაქტიკული სემინარები ჰოსპისის თანამშრომლებისთვის. მისი დახმარებით მომზადდა რეკომენდაციები ბავშვთა პალიატიურ მზრუნველობაში.

ჯოან მარტსონი პალიატიური მზრუნველობის სფეროში 28 წელია მოღვაწეობს. იგი მუშაობდა ბავშვთა ჰოსპისში, ასევე სხვადასხვა ჰუმანიტარულ მისიებში, იყო ბავშვთა საერთაშორისო ქსელის პრეზიდენტი. ჯოან მარტსონს დიდი წვლილი მიუძღვის ქრონიკული სენით დაავადებულ მოზრდილთა და ბავშვთა პოლიტიკის შემუშავებასა და განვითარებაში.

10 ივლისიდან 17 ივლისის ჩათვლით ჰოსპისს ბრიტანელი მოხალისე, ლისა ტოლჩინსკი დედასთან ერთად, მარინა თოდრესთან ერთად ესტუმრა. 1 კვირის განმავლობაში ლისა მუშაობდა როგორც ჰოსპისში, ასევე შინ ზრუნვის გუნდს დაყვებოდა ბავშვებთან ბინაზე. მან ასევე მოამზადა ფოტოპროექტი „სტუმრად ციცინათელების ქყვეყანაში"

დღეს „ციცინათელების ქვეყანა" კიდევ ერთხელ მოინახულა ავტრალიის რაგბის ნაკრების სრულმა შემადგენლობამ.მათ კიდევ ერთხელ დაათვალიერეს  ჰოსპისი და მოინახულეს ჩვენი ბავშვები, რომლებსაც საჩუქრად თანხა 600 ლარის ოდენობით გადასცეს.  

მსოფლიო რაგბის 20-წლამდელთა ჩემპიონატი ‘მსოფლიო რაგბის’ მიერ ორგანიზებულ ტურნირებს შორის მნიშვნელობით მეორე ადგილზეა (მსოფლიო თასის შემდეგ) და ის წელს მეათედ გაიმართება.ტურნირი პირველად 2008 წელს, 19 და 21-წლამდელთა მსოფლიოს ჩემპიონატების გაერთიანებით დაარსდა და თავდაპირველად მასში 16 გუნდი მონაწილეობდა, 2010 წლიდან კი, მონაწილეთა რაოდენობა 12-მდე შემცირდა, რამაც მისი დონე აამაღლა. 2008 წლიდან დაარსდა მსოფლიო რაგბის 20-წლამდელთა ‘ალაფაც’, რომელშიც 8 გუნდი იღებს მონაწილეობას და გამარჯვებული 20-წლამდელთა ჩემპიონატში ბოლოადგილოსანი ნაკრების ადგილს იკავებს. 2017 წელს ჩემპიონატს საქართველო მასპინძლობს და თამაშები 31 მაისიდან 18 ივნისის ჩათვლით თბილისსა და ქუთაისში გაიმართება. ასეთი მასშტაბისა და მნიშვნელობის ტურნირისთვის ჩვენს ქვეყანას აქამდე არასდროს უმასპინძლია. საქართველოში ითამაშებენ: ინგლისი, ირლანდია, ავსტრალია, უელსი, სამხრეთ აფრიკა, ახალი ზელანდია, არგენტინა, საფრანგეთი, შოტლანდია, საქართველო, იტალია და სამოა. 1 ივნისს, ბავშვთა დაცვის საერთაშორის დღეს, ბავშვთა ჰოსპისს "ციცინათელების ქვეყანას” ავსტრალიის რაგბის ნაკრები, საქართველოს პირველი ლედი, პრეზიდენტის ადმინისტრაციის უფროსი, მომღერალი ნინო ქათამაძე, ჰოსპისის გამგეობის წევრები და ჰოსპისის მეგობრები ესტუმრნენ. მორაგბეებმა ჰოსპისში მოხატეს კედელი, პირველ ლედისთან და სხვა სტუმრებთან ერთად დარგეს ვარდები და ჩვენს ბავშვებთან ერთად გადაიღეს სამახსოვრო ფოტოები. პირველმა ლედიმ ჰოსპისს საქველმოქმედო აუქციონზე შეძენილი ფერწერული ნამუშევარი უსახსოვრა, რომელიც ,,ვეფხისტყაოსნის,, თემატიკაზეა შექმნილი. ჰოსპისის ხელმძღვანელებმა მაკა ჩიჩუასა, გიორგი აბაშიშვილს და გიორგი ჟურულს ჰოსპისის მეგობრის სიმბოლური სიგელები გადასცეს.

10 ოქტომბერს, ჰოსპისისა და პალიატიური მზრუნველობის დღეს, საქართველოში ბავშვთა პირველი ჰოსპისის მშენებლობას ჩაეყარა საფუძველი. უკვე რამდენიმე წელია ფონდი "ღია საზოგადოება -საქართველო" ბავშვთა ჰოსპისის შექმნას ცდილობს. ამ იდეის განხორციელება სამედიცინო კორპორაცია "ევექსის", საქართველოს პრეზიდენტისა და ინდივიდუალური დონორების დახმარებით გახდა შესაძლებელი. ინდივიდუალური დონაციები იწყება 100 ლარიდან და ადის 50 000 ლარამდე. პროექტს მხარს უჭერენ ცნობილი ქართველი მხატვრები, რომლებმაც საკუთარი ნახატები გადასცეს ჰოსპისს. საძირკვლის ჩაყრის ცერემონია ჰოსპისის მშენებლობის ადგილზე, სოფელ დიღომში გაიმართა. საქართველოს პირველმა ლედიმ მაკა ჩიჩუამ , ფონდი "ღია საზოგადოება- საქართველოს" დირექტორმა ქეთი ხუციშვილმა და "სამედიცინო კორპორაცია ევექსის" გენერალურმა დირექტორმა ნიკოლოზ გამყრელიძემ ჰოსპისის საძირკველში მემორიალური კაფსულა მოათავსეს.                                                           ბავშვთა ჰოსპისის მშენებლობა 2016 წლის ბოლოს დასრულდება. ეს იქნება პირველი სახლი, სადაც ქრონიკული და უკურნებელი სენით დაავადებული ბავშვები და მათი ოჯახები სრულიად უფასოდ პალიატიური მზრუნველობას მიიღებენ. ბავშვთა ჰოსპისი სამი ძირითადი მიმართულებიტ იმუშავებს; 24 საათიანი სტაციონარული მომსახურება ერთდროულად 10 ბავშვისთვის, დღის ცენტრი, სადაც ბავშვები და მათი მშობლები დღის განმავლობაში მიიღებენ საჭირო მომსახურებას და შინ ზრუნვის სამსახური, რომელიც ბინაზე მოემსახურება ბავშვებს. აღსანიშნავია, რომ ბავშვებისთვის შინ ზრუნვის სამსახური ფონდი "ღია საზოგადოება- საქართველოს" ინიციატივით და სამედიცინო კორპორაცია "ევექსის" ხელშეწყობით საქართველოში უკვე ფუნქციონირებს და თბილისის მასშტაბით 15 ბავშვს და მათ მშობლებს სრულიად უფასოდ ეხმარება.                                                                                                                         ფონდი "ღია საზოგადოება - საქართველოს" საზოგადოებრივი ჯანდაცვის პროგრამამ 2013 წელს კვლევა ჩაატარა,რომლის მიზანი იყო ბავშვებისთვის პალიატიური მზრუნველობის საჭიროების შესწავლა. როგორც კვლევავ აჩვენა, საქართველოში პალიატიური მზრუნველობა ყოველწლიურად 0-დან 18 წლამდე 839 ბავშვს ესაჭიროება.                                                                                                                                                        საძირკვლის ჩაყრის დღეს, პრეზიდენტის სასახლეში, საქართველოს პრეზიდენტმა გიორგი მარგველაშვილმა და პირველმა ლედიმ მაკა ჩიჩუამ საქართველოში ბავშვთა პირველი ჰოსპისის მშენებლობის დაწყებასთან დაკავშირებული მიღება გამართეს. პრეზიდენტი შეკრებილ საზოგადოებას პროექტის განსაკუთრებულ მნიშვნელობაზე ესაუბრა. ღონისძიებას პროექტის დონორები და ელჩები ესწრებოდნენ. პროექტის ინიციატორებმა და დონორებმა აღნიშნეს, რომ ეს არის სამაგალითო და უნიკალური პროექტი, ბიზნესის, არასამთავრობო ორგანიზაციისა და საჯარო სექტორის ეფექტურად თანამშრომლობის თვალსაზრისით.

ა. წ დეკემბრის თვეში, შინ ზრუნვის გუნდის ექთნები და ოფისის მენეჯერი სასწავლო ვიზიტით იმყოფებოდნენ ბელორუსიაში, ქ. მინსკში. ეს ჰოსპისი მინსკში, 1994 წელს გაიხსნა და პირველი საერთეშორისო სტანდარტების ბავშვთა ჰოსპისია საბჭოთა სივრცეში.