გერმანიის ფედერაციული რესპუბლიკის საელჩოს თბილისში არაერთი პროექტი განუხორციელებია სხვადასხვა მიმართულებით. გერმანიის საელჩოს საგრანტო თანხით, ბავშვთა ჰოსპისის "ციცინათელების ქვეყანა" ადაპტირებულ მიკროავტობუსს შეიძენს, რომელიც განკუთვნილი იქნება დღის ცენტრის ბავშვების ტრანსპორტირებისთვის.

ბავშვთა ჰოსპისის ერთერთ მნიშვნელოვან კომპონენტს წარმოადგენს დღის ცენტრის ფუნქციონირება, სადაც ბავშვები დილით მოდიან და საღამომდე ატარებენ დროს. ადაპტირებული მიკროავტობუსის დახმარებით, ჩვენ თავად მოვემსახურებით ყველა შეზღუდული შესაძლებლობების მქონე ბავშვს.